من امتلك المال امتلك الحب
.
ايون بيحصل ومحدش يستغرب من الكلام دة
.
هو ده اللى بيحصل فى الواقع
.
وبيحصل فى الزمن دة
.
مثلا
.
قصه من الواقع
.
.
الاب : يانوسه يا حبيبتى فى واحد جالى وطلب ايدك منى
.
نوسه : مين الواحد ده يا بابا
.
الاب : دة شاب شكله مدى على كويس مش زى الشباب السيس بتوع اليومين دول
.
نوسه : طب ده انا معرفهوش يا بابا هو يعرفنى منين
.
الاب : ايوة يابنتى انا عارف انك متعرفهوش بس هو شافك واقفه فلبلكونه
.
بتكلمى بنت الجيران
.
و سبحان الله وهو كان بيركن عربيته تحت البيت شافك
.
قال بس هى دى
.
نوسه : يا سلام يا بابا ايوة هو فعلا كان بيبصلى ويضحك بس متخيلتش انه
.....
.
طب ازاى اوفق عليه وانا حتى معرفتش اسمه ولا حتى اتعرفت عليه ولا بحبو حتى
.
الاب : يانوسه ما انتى هتعرفيه فى فترة الخطوبه امال هما عملو الخطوبه ليه
.
مش علشان تتعرفو على بعض
.
والحب يا نوسه بيجى بعدين
.
وبعدين احنا بردو لسه هنسأل عليه
.
وبعدين دة شاب لسه جاى من السفر و جاهز من مجاميعو
.
وشغال فى حته كويسه وهيجبلك
.
شبكة بشئ الفولانى
.
وشقه اربع قوض فى مكان كويس
.
وعندة عربيه هترحمك من المواصلات
.
وكمان هيدفع مهر محدش اخدو فى علتك
.
وهيعمل الفرح فى قاعه اوبن بوفيه يانوسه
.
خلينا نفرح بقا يا نوسه كفايا هم وحزن
.
.
......
.
ايون بيحصل وفى حياتنا مواقف كتير مشابها لكدة
.
بس سؤالى لكل البنات لو انتى مكان نوسه هتعملى ايه
بصراحه ؟
.
.
ومش شرط انه شافك فى البلكونة
.
ممكن يكون شافك فى فرح او مطعم او اى حته ودخلتى دماغه
.
وقال بس هى دى
.
هل هتفكرى الاول؟
.
ولا هتوافقى على طول؟
.
ولاة هترفضى المبدأ من الاساس؟
.
والسؤأل التانى لكل الشباب هل انت موافق على المبدأ ؟
.
و لاة انت ضد ان من امتلك المال امتلك الحب
.
او بمعنى اصح
.
من امتلك المال امتلك العروسة
.
واللى تشوفو يا بابا
.
.
.
.
.
.
رئيس الجمهورية
31 التعليقات:
نعم من امتلك المال امتلك الحب
على الأقل حيحب و هو مالى ايده
و مطمن
و انا لو مكان نوسة
هههه
حوافق طبعاً
:-)
لو انا مش مرتبطه بحد او بحب حد هوافق ليه لا لو سألنا عليه وطله شخص كويس واهله كويسين ليه لا وطلع طول فترة الخطوبة انسان كويس ليه لا وكل واحد فينا من خلال شخصيته يحاول يحبب التاني فيه
فخامة رئيس الجمهورية المعظم .. حفظك الله
رغم التقارب الودي الذي بيننا لكن كناصح أمين أقول لك العكس صحيح، يمكن من امتلك المال.. امتلك الشراء، لكن لا يمتلك الحب.
واختلاف الرأي لا يفسد للود قضية، ويرجى وضع هذا في اعتبار صداقة الدولتين المتينة.
دولة الشجرة الأمِ
متفقه مع اميره.لو انا مش مرتبطه او بحب شخص معين.هفكر واطلب انه لما يجى زياره هقعد معاه مره واتنين ولو فى ارتياح وقبول ليه لا.لن لو مفيش ده تفتكر الفلوس هتكون ليها لازمه لو انا مش عارفع ابلعه او اتقبله..
بدراوى
ايون هو دة اللى انا اقصدة
انك تكون مالى ايدك
ومالى جيبك كمان
......
نورتنى
اميرة الكوكب
كلامك بيقول انك موافقه على المبدأ من الاساس
وممكن الحب يجى بعدين
طب لو افترضنا جدلاّّ ان ظروف الشاب اللى معاكى هتطول شويه
ايه هيكون ردك
بس متألوش انك هضحى على شانه
نورتى الجمهورية
الشجرة الام
يا هلاّ بالدوله الحبيبه
انا احترم رأى حضرتك
بس
صدقينى المال احيانا بيشترى الحب
بس بيجى بمراحل
ودام التواصل والود بيننا
فى رعايه الله
الشعب لابد من حكومه
بردو انتى موافقه على المبدا من الاساس
وممكن الحب يجى بعدين
ممكن الفلوس متكونش ليها لزمه فى انك تتقبليه ولا لاء
بس هى هتكون سبب انك ممكن تفكرى بعقلك
قبل قلبك
مرة واتنين
وممكن نتجح اة تفشل حسب طريقه التفاهم والمعامله
نورتى الجمهورية
اكيد هفكر الاول بينى وبين نفسى
واكيد هنقعد مع بعض مره او مرتين تعارف فى الاول ولو ارتحت ليه نعمل الخطوبه واكيد فى الخطوبه هعرفه كويس
اما لو مش ارتحتله فيبقى خلاص
ولا شبكه ولا فلوس ولا شقه هيقنعونى بيه
لان انا ممكن اتجوز واحد غنى ومش مرتحالوا والفلوس دى تروح بعدين اعيش بقى مع واحد مش طايقاه
والعكس ممكن ارتاح لواحد ظروفه على قده شويه وممكن ربنا يكرمه بعد كدا
تحياتى ليك على البوست
pink Dreams
يا ولكم يا ولكم
طب انتى هتفكرى فى ايه الاول
لمستوى بتاعة
ولا شكله
ولا امكانياته
ولا ايه بظبط
ياعنى هتوافقى على اساس ايه
طب لو حصل نصيب وتمت الخطوبه
وممكن بعد الخطوبه متافهمتوش مع بعض
وفركش
ترضى ان يجيلك عريس بعد كدة ولما يسأل عليكى يقولو كانت مخطوبه
واتفسخت
مستنى ردك
نورتى الجمهورية
مش مبدا اضحي وفيلم رد قلبي :)
بس انا فعلا لو مرتبطه بحد خلاص مينفعش ارتبط بحد تاني ده لو بحبه بجد ومش زي اليومين دول بيسلوا نفسهم انا بحب واحد يبقا خلاص معاه للاخر مدام هو مفهمني ظروفه من الاول ومش ضحك عليا وانا وافقت ع الظروف دي وقبلت اكمل معاه يبقا خلاص هو وبس
اميرة الكوكب
ياريت يبقى كل لبنات زيك كدة
انتى اميرة بنت اومرة
ربنا يكرمك على قد نيتك ان شاء الله
تحياتى
يا سيادة الريس كل البنات كده عايزين واحد جاهز دا واقع مش حاجة غريبة ولو البنت مش عايزة الحاجات دي الاهل بيصروا عليها عشان المنظرة هي اوضاع زباااللللة
تحياتي لسيادتك
محمود مخلص
انا حاسه انك مش عاجبك الكلام.
بس انت مش مركز فى نقطه مهمه جداااا ان الجاهز ده هيتوافق عليه لان القلب فاضى ومفيش حد فيه..يباه هيتعامل زيه زى اى عريس متقدم ,وطالما هو جواز كده لعلمك يباه لازم يكون جاهز.عارف ليه لانه ببساطه داخل بيت هو عارف ان البنت اللى فيه مش ميته فى دباديب حضرته يباه اكيد هتحسبها بالعقل زى ماهو حسبها بالعقل واختار واحده من عيله كويسه ومستوى متقارب وشكلها عجبه..
واه الحب بيجى بعدين طالما فى فى الاول ارتياح وقبول ويبدأوا يعرفوا شخصيات بعض ولقوا تقارب تفتكر مش هيحبوا بعض؟؟؟
على فكره انت كده سؤالك غلط جداااا..
السؤال اللى المفروض تساله:
هل انتى مستعده تضحى بواحد بيحبك وظروفه مش جاهزه لو اتقدملك واحد جاهز؟؟؟؟
كده هتوصل للنتيجه اللى انت عاوزها وان كل البنات وحشين وبيفكروا فى الفلوس زى ما انا حاسه انك عاوز توصل ياسيادة الريس:) هههه..
معاه ؟؟؟؟؟
انا بردو لو مش مرتبطة ممكن اوافق ولو طلع كويس وابن ناس ليييه لا مش هخسر حاجة والحب ممكن يجى وقت الخطوبة ولو مجاش هيجى فى الجواز بس هيجى هيجى هتقول عليا معنديش قلب هقولك عندى وبيدق بس عندى عقل بيمشينى وبيقولى اعملى ايه ومتعمليش ايه ومش هقولك عش العصفورة يقضينا والكلام دة مفيش بنت دلوقتى هتقول كده ودلوقتى الشباب مش هيروح يتقدم لبنت غير وهو معاه شقته ومش هقولك بشرط المكان بس يكون فى شقة اول حاجة الاب بيقولها عندك شقه ياشاطر لو معندكش معنديش بنات للجواز لو عندك اهلا وسهلا بيك ده بيتنا نور خلاااااااااص كله الناس دلوقتى بقت عملية بيركنوا المشاعر والاحاسيس على جنب طولت عليك انا عارفة وممكن تعملى امر بالاعتقال ومش هقولك لا دومت بخير سيدى الرئيس
انا ضد مبدأ ان من امتلك المال امتلك الحب لان الما يمكن يشتري كل حاجة لكن صدقني مبيشتريش السعادة وهدا ليس مجرد كلام
بالنسبة لي لو انا مكان نوسة انا حأقول ليه لا اشوفه وتعرف عليه لو اتفقنا كان بها لو مقتنعتش بيه يغور هو وفلوسه.
أعتقد لا فقد يمتلك شخص مال فحي الاخر لة لا يكون حب و انما يكون مراوغة من أجل الحصول على قدر من مالة أما اذا ضاع مالك لسبب من الأسباب فلن تراة بجانبك ثانية .
مع تحياتى .
بوست بجد حلو فعلا وانك مسمي وزارة الحب ورزمانسية عجبني والصورة معبرة اوي
بص كلامك بجد بيحصل وفي الاغلب البنات بتروح الافراح عشان تتخطب
الفكرة ان الاحساس مسيطر ع البنات كنوع من انواع الغريزة بلامومة والاستقرار وتكوين اسرة الحب بقا قبل الجواز وتتجوز غير اللي حبتة لان الحب دة ابو بلاش مش الكل اللي حبوا بعض اتجوزوا وانت عارف مبقتش فارقة بيحبوا بعض ويتجوزوا ويطلقوا
حب او صالونات بيطلقوا
طب هو الواحد يختار اية بقا مش عارفة بجد
بلنسبة حوافق ولالا
لو انا مش مرتبطة بحد ولا بحب
حقول اقابلة برا البيت مرتين ونقعد ويكون معانا حد ولو ارتحت حوافق ع خطوبة وبردوا حتبقا تعارف
انا بجاوب علي الواقع ومش حقول لا مش حوافق والكلام الحمصي دة ههههههه
بس الدنيا بقت وحشة اساسا ومفيش حاجة ضامنة لسعادة
دمت بخير ع موضوع حلو دة
بصراحه ومن غير كسوف يا ريس انا هافكر الاول لانه ممكن يكون انسان كويس وانا فعلا عجبته وطبعا لازم اتكلم معاه ده طبعا بعد موافقه الاسره هو يعنى مش ذنبه انه معاه فلوس انا مش هاوافق طبعا على طول يعنى مش هاتسرع واقول هو ده اللى هيسعدنى من غير تفكير وبعدين اتدبس هههههههههه هاعامله كانه شخص عادى واعرف شخصيته وطريقه تفكيره وبعدين الحب هيجى بالمعامله الطيبه والعشره واكيد هاعرفه اكتر فى فتره الخطوبه لو طلع مش ولابد هاخلعه هههههههه وكل شىء قسمه ونصيب ولا ايه يا سياده الريس
ليك تاج عندي ياريس تروح تستلمه
محمود مخلص
اهلا وسهلا
هودة اللى انا بقولو ياحودة
هل كولو عاوز كدة ولا ولاء
نورت يا حوده
الى الشعب و الحكومه
ماشى كلامك مظبوط
بس على فكرة فى بنات بتضطر توافق حتى لو فى فرق سن
بس علشان ميفوتهاش القطر
واكيد انتى فهمه بردو
والفلوس بتخلق نوع من الاتياح نسبى عند البنات
ووجهه نظرك تحترم على فكرة
.........
تحياتى
نورتى الجمهورية
باربى
الاخت الصديقه
منورة والله
سيبك انتى هو حد يطول
وبعدين انفيكى فين دة انا غلابان
وهو دة اللى بيحصل على رأيك
نورتى والله
باربى
الاخت الصديقه
منورة والله
سيبك انتى هو حد يطول
وبعدين انفيكى فين دة انا غلابان
وهو دة اللى بيحصل على رأيك
نورتى والله
خواطر شابه
ايون كده اخيرا حد ضضد المبدأ
ليك شوقه
هههههههههههههه
اهم حاجه الاتفاق والنفسيه والاقبول
كلامك منطقى ويحترم
نورتى الجمهوريه
الزنانى
مع انى مش فهمك
بس
نورت الجمهورية
اسكندرية
بنت بلدى
اجدع سلام من بحرى لغايه ابو قير
ورقصنى يجدع
نورنى الجمهورية والله
مرسى ربنا يخليكى من بعض ما عندكم
بجد ومش نفاق
من اجمل الكومنتات اللى جتلى
تحياتى
ميرووووووووو
اهلا وسهلا
طب انا عارف انه مش زنبه انه مع فلوس
بس فكرة ان اى وحدة يشوف وحدة موز موز موز
يروح ويقول هى دى واكيد او مش اكيد
يس فى الغالب الاسرة بيبقى ليها اقناع غير طبيعى على البنت انها توافق
هو دة اللى انا بكلم عليه
بس شكلك كدة موافقه على المبدا
على العموم
نورتى والله
تحياتى
اميرة الكوكب
انا فى الطريق اهو
ايون جااااااااااااااى
برأي يا رئيس الجمهورية يختلف الامر
من شخص لاخر ... اولا انا يمنية وفي
اليمن هناك تحفظ كبيرر عن موضوع
العلاقات والتعارف بين الشباب فمثلا قصة
رشا اللى اتصلت بشاب و امه رديت
عليها مش بتحصل باليمن خالص هههه
فان تقدم شخص ما لخطبتي ماانظر له من
المنظور المالي بل من منظور شخصيته
تفكيره تفهمه ..المال مش مهم ابدااا
من امتلك المال امتلك الحب مرة ومرتين
يعني ممكن ببساطة يشتري الحب بفلوسه
ويتزوج مره ومرتين وثلاث
لكن من امتلك العقل الصح والشخصية
الصح امتلك الحب الحقيقي بالفعل ..
موضوع جميل يا ريس
و جمهورية اجمل
اعذب تحية
الغاردينينا
اهلا بيكى واهلا بأهل اليمن فى الجمهوريه المتواضعه
موضوع التعرف بيختلف من اسرة ل اخرة
فى بيرفض وفى بيوافق
وكلامك صحيح معظم البنات بتفكر فى شخصبه الفرد وكيانه واسلوبه
بس المال او وجود المال بيبقى عامل مساعد عند البنت او الاسرة انها توافق عليه
لسبب او لاخر
تحياتى لكى ونورتى الجمهوريه
رئيس الجمهوريه
إرسال تعليق