كــــــــــل سنــــــــــــه وانـــــــــتم طيبيـــــــــــــــــن


كل سنه وانتم طيبن رمضان كريم علينا وعليكم

.

انا عارف انكو زعلنين منى وعارف اى مقصر جامد

.

بس ماينفعش يدخل علينا رمضان كدة وفى حد زعلان منى

.

انا اسف على الغيبه الطويله دى وبجد مش عاوز حد يزعل منى احنا فى شهر كريم

.

انا بس حبيت ادخل كدة عليكم واقولكم وحشتونى جدا جدا جدا

.

وكل سنه وانتم طيبين يا مدونين







رئيس الجمهوريه

  • Digg
  • Del.icio.us
  • StumbleUpon
  • Reddit
  • RSS

التربيه الجيده لتعليم جيد لابنائك



البوست دة مع الكاتبه الاكثر من رائعه حرووووف كلام حروووف بلازرق والريس بلاحمر

استوقفتني تلك العبارة الشهيرة التربية قبل التعليم او مؤسسة التربية والتعليم والام مدرسة طب والاب بقا هو المدرس
او المعلم

طب يعني اية تربية لو حاولت اعرفها هي مجموعه قواعد واسس وعادات سلوكية دة مش تعريف حد دة انا بحاول
اعرفها التعلُم هي اكتساب والاعتياد علي اشياء ومنها السلوكيات اذا دة شيء متصل وليس منفصل

البيت مكوناته زوج وزوجة وابناء مينفعش يكون الهدف من الزواج هو وجود الزوج والزوجة والناتج الثانوي الابناء
دة مش ناتج ثانوي مهمش دة عمود اساسي في البيت

لو قلنا ان كل شخصين انثي وذكر قبل ميتجوزوا قرروا يتناقشوا في حياتهم واحلامهم والسلبيات اللي مش عايزنها
تكون في بيتهم حنلاقي الاتي

اللي كان بيضرب وهو صغير حيقول ممنوع ضرب الاولاد ونشوف عقاب تاني بديل

اللي كان مدلع ومبيعملش حاجة في بيتة حيقول لازم الاولاد تساعد وتعتمد علي نفسها

اللي كان والدة وولدته مش مصاحبينة حيقول لا انا حبقا صديق لاولادي

لو بصينا حنلاقي كل واحد بيتكلم عن نفسه وبينفذ بطريقتة ودة بيخلق ايه ام حازمة اب مدلع اولادة

يخلق اطفال مشوهه نفسيا وتعاد الكرة مرة اخري اتنين يقعدوا يقولوا انا حربي ولادي كدة والتاني يقول حيربي ولادي
كدة بس في الواقع دة مش بيحصل اللي بيحصل ان كل واحد بيقول الكلام دة جواة مش مع نقاش بين الطرفين ودة اللي
بيخلق الشخصيات المهزوزة في المجتمع بالاضافه للبيئة المحيطة الي بتاثر ولو باي شكل من الاشكال في شخصية الاطفال

فعلا والله عند حق

والتربيه نوعين


نوع انك تربى اولادك تربيه حديثه بمعنى انك تربيهم بطريقه تانيه غيراللى ا تربيت عليها انت

ودى ممكن تكون صح او غلاط

بمعنى تربيه تكون فيها نوع من الاحترام بينك وبين ابنك او بنتك

وفيها نوع من القربه ( انك تكون قريب منهم )ويكون فى نوع من الصداقه والحميميه

وان يكون فى ثقه متبادله بينك وبينهم

وتكون مابنيه على اساس ان اولادك ليها واجبات المطلوب منهم تحققها وليهم حقوق عليك كا اب او ام

توفر ليهم جميع سبل الراحه والامان

بمعنى اخر

ان يكون فى اسلوب للحوار بينك وبينهم وان يكون فى ديمقراطيه فى حريه الراى والتعبير

وان مافيش حاجه اسمها لا بدون ذكر سبب وممنوع مد الايدى الا فى حاله الضرورة زى الصلاه

وان يكون فى وعى بكل حاجه تخص اولادك من اول الاصحاب لغايه المواد الدراسه

وتكون متاكد وواثق انك ربتهم احسن تربيه كونت تتمناها لنفسك

نوع التانى يحب يربى الاودة على حسب ما هو اتربى عليه وحسب البيئه اللى عاش فيها

وده بردو ممكن يكون غلاط وممكن يكون صح

بس العامل المشترك مابنهم انك كا اب او ام هتحاول على قد ماتقدر ان يكون تربيتك ليهم احسن ما انت اتربيت عليه

وتكون عاوز انهم يكونو احسن منك فى كل شى ودة الطبيعى

بس لما نيجى نقيم اساسا التربيه لاولادك نقيم ازاى

1 لو انت عاوز تربيهم زى ما انت اتربت هتكون حاطط فى دماغك ان كل حاجه اتربت عليها او ابوك وامك عودوك
عليها كان فيها الصح وكان فيها الغلاط

مثلا

لو انت كونت اتربت انك ماتعملش حاجه فى امور البيت او تساعد فى اى حاجه لسبب او لاخر

او انك كونت ماتعرفش تعمل حاجه بنفسك او متعرفش تتحمل ماسؤليه نفسك

او كونت مدلع زياده عن الازوم

و طبعا المشكله الكبيرة وهى الضرب لما تكون عامل حاجه او مش تسمع الكلام

كونت بتاكل علقه سوخنه كلنا مجربين واحنا صغيرين
او حاجات تانيه كتير.............

بس طبعا كل الحاجات دى سلبيه لانك اتربيت عليها واصبحت عادة فيك وممكن تأثر فى تربيتك لااولادك

ووطبعا البيئه اللى اتربيت فيها وترعرعت فيها زى مابيقولو كان شكلها ايه

و زى المثل اللى بيقولو يخلق من ظهر الفاسد عالم

كل الكلام دة ليه تأثير فى شخصيه الفرد ولما تكون اب بتحاول تغير اللى تقدر عليه علشان تكون النتيجه فى صالح
اولادك

رئيس الجمهوريه

  • Digg
  • Del.icio.us
  • StumbleUpon
  • Reddit
  • RSS

حوار مع رئيس الجمهوريه



حوار مع الكاتبه silent girl


اولا: سيدى الرئيس مش عارفة اوصفلك فرحتى ان انا بعمل معاك لقاء صحفى واستحملنى لو كانت اسالتى ممكن تضايقك؟؟؟

اولا: اهلا بيكى وبكل الساده القراء.


ثانيا : انا قبل ما اكون رئيس انا واحد من الشعب ده ولا ايه...


اتفضلى :
.
1-ايه اللى خلاك تسمى مدونتك بالاسم ده ؟
.

الحقيقه الاسم دة جيه صدفه ياعنى من واقع الخيال انا قولت ادخل عالم التدوين دة بأسم مايكونش خطر على بال اى حد

ويكون بسيط و ظريف والناس بتحب الاسامى الجديده الغريبه زى شومبونجو
.

مع انى شفت تريقا عليه كتير زى مثلا* واحد يقول دى جمهوريه تبع شركه موبينيل بتاعه القرد اللى بيتكلم
.

*واحد يفسرها على مزاجو يقول شمو بنجو وغيرو كتير


بس هنا فى شومبونجو فى ديمقراطيه الراى وحريه التعبير



2-على اى اساس بتنزل البوست؟



اكدب عليكى لو قولت انى موهوب او بعرف اكتب او انى كاتب قصص او شاعراو غيرو

بس بكتب اللى انا بحبه وحاسس ان ممكن الناس تتقبله بشكل او باخر
.

3-قد ايه متابع باقى المدونات؟



الصراحه قليل لان بقا العدد كتير وكل مدونه ليها فكر جديد ومذاق خاص وليها اسلوبها فى الكتابه وفى التعبير عن موضوعتها
.

بس فى مدونات بتعلق معاكى وما تقدريش تفوتى منها اى حاجه
.
بس بتابع كل جديد منهم بس قليل لما اعلق عندهم لقله الوقت


4-لو حبيت تغير وزارة من وزارات الحكومه هتغير اى وزارة وتجيب مكانها وزارة ايه؟
.
ياعنى تلغى مين الاول؟
.


وزارة التربيه والتعليم انا هلغى التعليم وها نشاء وزارة جديده اسمها وزارة التربيه الجيده
.

لان
.

احنا معندناش تربيه يبقى هنتعلم ازاى من غيرها
.

5-عمرك حسيت انك محبط؟


فى شومبونجو مافيش احباط من اى نوع الحياه فله شمعه منورة

6-اكتر حد ممكن تكلمه وانت مضايق؟

وانا مضايق معرفش اكلم حد بس بعد كدا ممكن اتكلم مع اصحابى


او اى حد قريب منى


7-عادة فيك لازم تتغير؟



انى معرفش اعبر للقدامى على اللى جوايا



8-نفسك تقابل رئيس جمهوريتنا؟ وهتقوله ايه؟


اكيد ليه لا

ااقوله زى مقال الشيخ القدير محمد متولى الشعراوى رحمه الله قال



(يا سياده الرئيس اخر ما احب ان اقوله لك ولعل هذا اخر لقائى بك اذا كنت قدرنا فاليوفقك الله و اذا كنا قدرك فليعينك الله على ان تتحمل... )


9-تحب تعمل مع مين بوست من المدونين؟


مع اللى يحب يعمل معايا انا معنديش اى مانع المهم يكون هو راضى ومتقبل اللى بيعملو


لان فى ناس هتشوف وتقرأ الكلام دة.

.

10- ايه اللى تتمناه يتحقق فى 2010 متحققيش فى 2009 ؟
.
الحقيقه انا اكتشفت اننا بنحب البلد دى قوى

.

وعيزنها تبقى احسن دول العالم

.

لان هى دى اللى اكلنا من خيرها وتربينا فيها واهلك وناسك فيها

.

ويبقى فى سلام وود بين الدول العربيه ونقف ايد واحده مع بعض

.

ضد اللى بيكرهونا

.

وان مش اللى يجمعنا هو حب الكورة لا حاجات تانيه كتير ولازم نستغل كل دة فى حاجه تفيد

.

العالم العربى لان كل دة لينا فى الاول والاخر



فى النهايه سيدى الرئيس مش عارفة اشكرك ازاى انك عطتنى وقت علشان اقولك كل اسألتى واتمنى ليك دوام الصحة وان شاء الله اشوفك فى الانتخابات الجاية.

.
.


رئاسه الجمهوريه

  • Digg
  • Del.icio.us
  • StumbleUpon
  • Reddit
  • RSS

My friends


السلام عليكم ورحمه الله وبركاته

.

وحشتونى وحشتونى وحشتونى

.

بجد والله وحشتونى

.

اذيكو يامدونين ياحلوين

.

يارب تكونو بخير وتكون الامور مستقرة

.

والامن مستاتب

.

وحشنى شعب شومبونجو

.

ومدونين شومبونجو والدول المجاورة

.

الحمد لله الامتحانات عادت على خير

.

اااقصد الاشراف عليها زى مانتو عرفين طبعاّ

.

هههههههههه

.

ادعولى انتو بس

.

معلش انا عارف انى مقصر معاكو بس انتو عارفين بقا


الظروف

.

وان شاء الله هتابع كل جديد منكم


تحياتى ليكو جميعا

.

رئيس الجمهوريه




  • Digg
  • Del.icio.us
  • StumbleUpon
  • Reddit
  • RSS

بكرة الموسم


كل سنه وانتم طيبين
.
يا مواطنين يا شومبوجيين
.
عام هجرى جديد
.
أعاده الله علينا وعلى الامه الاسلاميه بلخير واليمن والبراكات
.
و ياااارب تكونو بألف خير وسعادة
.
وميكونش حد زعلان منى انا عارف انى مقصر معكو
.
دعواتكم بقا الايام اللى جايه دى
.
انتو عرفين بقا المعارضه مش سيبه حد فى حاله
.
وال ايه عاملين امتحانات ترم ولازمن وحتماّّ ولابد الريس يمتحن
.
ااقصد يشرف على الامتحانات بتاعه الحكومه
.
ياعنى هو فى ريس بيمتحن بردو
.
هههههههههههههه
.
تحياتى ليكو جميعاّ
.
اجازة قصيرة
.
ونتقابل ان شاء الله بعد الامتحانات
.
ااقصد الاشراف عليها
.
ههههههه
.
.
.
رئيس الجمهوريه

  • Digg
  • Del.icio.us
  • StumbleUpon
  • Reddit
  • RSS