حوار مع رئيس الجمهوريه



حوار مع الكاتبه silent girl


اولا: سيدى الرئيس مش عارفة اوصفلك فرحتى ان انا بعمل معاك لقاء صحفى واستحملنى لو كانت اسالتى ممكن تضايقك؟؟؟

اولا: اهلا بيكى وبكل الساده القراء.


ثانيا : انا قبل ما اكون رئيس انا واحد من الشعب ده ولا ايه...


اتفضلى :
.
1-ايه اللى خلاك تسمى مدونتك بالاسم ده ؟
.

الحقيقه الاسم دة جيه صدفه ياعنى من واقع الخيال انا قولت ادخل عالم التدوين دة بأسم مايكونش خطر على بال اى حد

ويكون بسيط و ظريف والناس بتحب الاسامى الجديده الغريبه زى شومبونجو
.

مع انى شفت تريقا عليه كتير زى مثلا* واحد يقول دى جمهوريه تبع شركه موبينيل بتاعه القرد اللى بيتكلم
.

*واحد يفسرها على مزاجو يقول شمو بنجو وغيرو كتير


بس هنا فى شومبونجو فى ديمقراطيه الراى وحريه التعبير



2-على اى اساس بتنزل البوست؟



اكدب عليكى لو قولت انى موهوب او بعرف اكتب او انى كاتب قصص او شاعراو غيرو

بس بكتب اللى انا بحبه وحاسس ان ممكن الناس تتقبله بشكل او باخر
.

3-قد ايه متابع باقى المدونات؟



الصراحه قليل لان بقا العدد كتير وكل مدونه ليها فكر جديد ومذاق خاص وليها اسلوبها فى الكتابه وفى التعبير عن موضوعتها
.

بس فى مدونات بتعلق معاكى وما تقدريش تفوتى منها اى حاجه
.
بس بتابع كل جديد منهم بس قليل لما اعلق عندهم لقله الوقت


4-لو حبيت تغير وزارة من وزارات الحكومه هتغير اى وزارة وتجيب مكانها وزارة ايه؟
.
ياعنى تلغى مين الاول؟
.


وزارة التربيه والتعليم انا هلغى التعليم وها نشاء وزارة جديده اسمها وزارة التربيه الجيده
.

لان
.

احنا معندناش تربيه يبقى هنتعلم ازاى من غيرها
.

5-عمرك حسيت انك محبط؟


فى شومبونجو مافيش احباط من اى نوع الحياه فله شمعه منورة

6-اكتر حد ممكن تكلمه وانت مضايق؟

وانا مضايق معرفش اكلم حد بس بعد كدا ممكن اتكلم مع اصحابى


او اى حد قريب منى


7-عادة فيك لازم تتغير؟



انى معرفش اعبر للقدامى على اللى جوايا



8-نفسك تقابل رئيس جمهوريتنا؟ وهتقوله ايه؟


اكيد ليه لا

ااقوله زى مقال الشيخ القدير محمد متولى الشعراوى رحمه الله قال



(يا سياده الرئيس اخر ما احب ان اقوله لك ولعل هذا اخر لقائى بك اذا كنت قدرنا فاليوفقك الله و اذا كنا قدرك فليعينك الله على ان تتحمل... )


9-تحب تعمل مع مين بوست من المدونين؟


مع اللى يحب يعمل معايا انا معنديش اى مانع المهم يكون هو راضى ومتقبل اللى بيعملو


لان فى ناس هتشوف وتقرأ الكلام دة.

.

10- ايه اللى تتمناه يتحقق فى 2010 متحققيش فى 2009 ؟
.
الحقيقه انا اكتشفت اننا بنحب البلد دى قوى

.

وعيزنها تبقى احسن دول العالم

.

لان هى دى اللى اكلنا من خيرها وتربينا فيها واهلك وناسك فيها

.

ويبقى فى سلام وود بين الدول العربيه ونقف ايد واحده مع بعض

.

ضد اللى بيكرهونا

.

وان مش اللى يجمعنا هو حب الكورة لا حاجات تانيه كتير ولازم نستغل كل دة فى حاجه تفيد

.

العالم العربى لان كل دة لينا فى الاول والاخر



فى النهايه سيدى الرئيس مش عارفة اشكرك ازاى انك عطتنى وقت علشان اقولك كل اسألتى واتمنى ليك دوام الصحة وان شاء الله اشوفك فى الانتخابات الجاية.

.
.


رئاسه الجمهوريه

  • Digg
  • Del.icio.us
  • StumbleUpon
  • Reddit
  • RSS

17 التعليقات:

Pink Dreams يقول...

ايه دا مش معقول

اووووووووووول تعليق عند سياده الريس

Pink Dreams يقول...

ومش معقول يعنى اخد اول تعليق ومخدش التانى

Pink Dreams يقول...

ونقووووووووووول بقى التالته تابته

عشان بوست جامد مووووووت

وتحيه جامده ل silent girl اللى سألت الاسئله الجميله دى

Pink Dreams يقول...

حلو قوى الحوار دا ولذيذ كمان

وعندك حق فى حكايه وزاره التربيه الجيده دى

ردودك حلوه

دمتم بكل ود

غير معرف يقول...

الحوار جميل جدا ولذيذ جدا جدا

دعواتك معانا ياسياده الريس

حروف يقول...

اية دة هو انا مش اول تعليق دة انا كنت فاكرة اني حطلع نائب الرئيس ولا حاجة

طب مفيش تغيير وزاري جديد متنساناش ياريس

انت ريسنا هشتكنا وبشتكنا ياريس انت ونعمه ريس كويس هههههههههههههه

بوست لذيذ

جمهورية شومبونجو العربية يقول...

pinnk Dreams

اهلا بيكى الجمهوريه منورة

مبروك ليكى اول وتانى وتالت كمان

ويارب ديما تكونى منورانى على طوووووول

مرسى لزؤق

تحياتى ليكى واسف لو كونت مش متابع كل جديد

فى رعايه الله

جمهورية شومبونجو العربية يقول...

7annen

منورة الجمهوريه والله

ربنا يخليكى

يارب يكون عجبكم


فى رعايه الله

جمهورية شومبونجو العربية يقول...

حروووووف

هههههههههه

منورة الجمهوريه يا سياده النائب

الرئيس

بس ايه رايك فى الموضوع

ولا انتى من المعارضه

♥نبع الغرام♥♪≈ يقول...

ماشاء الله عليك
سلوبك كتير حلو وخفيف

وبالنسبه لاسم المدونه اسم جديد انك عملت عالم جديد ومميز
مزيد من التوفيق
وبجد الفكره تحفه اووووووووووووووووووى
وياريت مش تغيب كتير
وابقا زورنى ياعم هههههههههه
تحياتى
ايناس

miroooo يقول...

السلام عليكم
بجد ونعم الرئيس ايه ده؟
ده انت طلعت ريس بجد والحوار طبعا تحفه
عظيم بجد انت غبت علينا كتير بس طلعت بقنبله هههههههه ايوة كده ارفع راس اسكندريه واهل اسكندريه يا ريسنا الهمام كنت متوقعه انك هترجع بقوه
تحياتى طبعا ل silent girl مجهودكم رائع
دمت بكل الخير سيدى الرئيس

جمهورية شومبونجو العربية يقول...

ابتسامه ملاك

اهلا وسهلا بيكى فى الجمهوريه المتواضعه دى

ربنا يخليى دة من عض ما عندكم

يارب بس يكون عجبكم


وان شاء الله ازورك فى اسرع وقت

تحياتى ليكى نورتى


رئيس الجمهوريه

جمهورية شومبونجو العربية يقول...

miroooo
النيرو كوانيرو

و عليكم السلام ورحمه الله وبركاته

طبعا نورك مغطى على الجمهوريه كلها والله

اسكندريه حلو بيكى وباهلها

ربنا يخليكى

فى رعايه الله

ليس فقيرا من يحب يقول...

ايون كده لازم الرويسا

يتكلموا مع عامه الشعب

ويكون متواضع

طبعا الاجابات بسيطه وجميله

ربنا يسعدك يارب

هما دول الروئسا اللى بحق وحقيق

يارب تكون بخير

جمهورية شومبونجو العربية يقول...

ليس فقيرا من يحب

ميس رانيا منورة الدنيا كلها

ربنا يخليكي ده من بعض ما عندكم

ههههههههههه

شكرا لسؤالك عليا

فى رعايه الله


رئيس الجمهوريه

جنات يقول...

السلام عليكم ..


حورا جميل وصريييييح
حكيم ياريسسسسسسسسسس


يعطيكي العافيه خيتي سايلنت قيرل

مقتطفات يقول...

أولا أحب أحييك على مدونتك الراقية و اسمها الجميل.

طبعا الموضوع جميل جدا و ردودك رائعة و الأسئلة مناسبة.

أختلف معك في فكرة وزارة التربية الجيدة لأن التربية لن تجعل الكتب و المناهج أفضل لكن الموضوع عامل زي نادي الزمالك (انا زملكاوي) محتاج خطة متوافقة مع قدرات اللاعيبة مش العكس.
تحياتي الخالصة لك و لقد تابعتك لأن مدونتك أعجبتني للغاية.