بكرة الموسم


كل سنه وانتم طيبين
.
يا مواطنين يا شومبوجيين
.
عام هجرى جديد
.
أعاده الله علينا وعلى الامه الاسلاميه بلخير واليمن والبراكات
.
و ياااارب تكونو بألف خير وسعادة
.
وميكونش حد زعلان منى انا عارف انى مقصر معكو
.
دعواتكم بقا الايام اللى جايه دى
.
انتو عرفين بقا المعارضه مش سيبه حد فى حاله
.
وال ايه عاملين امتحانات ترم ولازمن وحتماّّ ولابد الريس يمتحن
.
ااقصد يشرف على الامتحانات بتاعه الحكومه
.
ياعنى هو فى ريس بيمتحن بردو
.
هههههههههههههه
.
تحياتى ليكو جميعاّ
.
اجازة قصيرة
.
ونتقابل ان شاء الله بعد الامتحانات
.
ااقصد الاشراف عليها
.
ههههههه
.
.
.
رئيس الجمهوريه

  • Digg
  • Del.icio.us
  • StumbleUpon
  • Reddit
  • RSS

انا اللى بحبها


الصراحه
.
هى مشكله بتواجه معظم الشباب وخاصه اللى مابيخبوش حاجه على اسرتهم
.
وخاصه الام
.
ياعنى بمعنى اوضح
.
ان يكون فى واحد بيحب واحده وانو عاوز يروح يقول ل مامته انه بيحب واحده وعايزك تتعرفى عليها
.
علشان لما يجى وقت انه يروح يتقدم للبنت اللى بيحبها تبقى مامته عندها خلفيه عن الموضوع
.
بس بيبقى مقلق ورافض ومش عاوز يجيب سيرة عن الموضوع دة
.
ليه يا ترى
.
وتيجى الصدفه
.
ماما: مودى ... يامودى كلم فى تليفون علشانك
.
مودى: مين ياماما
.
ماما: واحدة بتقول انها زملتك واسمها رشا
.
مين دى يا واد
.
مودى: طب ثوانى يا ماما حقولك هاتى السماعه ارد على البنت الاول
.
.
وبعد ما يخلص مودى
.
.
ماما: مين دى بقا ان شاء الله
.
مودى: دى رشا هاااااااا
.
ماما: يا سلام رشااااااا من امتى بقا الكلام دة
.
مودى : من اول مرة شفتها فى الكليه حلوة اوى يا ماما
.
ماما: اتاريك ولا بتذاكر ولا بتنيل حاجه على دماغك وماسك الهباب الموبيل
.
24 ساعه صبح وليل
.
دودودودودو فى بقا ان شاء الله
.
مودى: انتى زعلانه ليه بس يا ماما كل ده علشان بحبها
.
وبعدين دى زميلتى فى الكليه وبنت محترمه جدا واهلها ناس طيبين
ونفسها تتعرف عليكى وتشوفك
.
ماما: ماشى يامودى ياعنى لولا التليفون اللى جيه كونت انا اخر من يعلم
شكرا ياخويا الله الغنى عنها ركز انت فى مذكرتك سنه دى بكالريوس
وسيبك منها علشان ربنا يكرمك وتتخرج وتتشتغل وتسافر وبعدين تبقى فكر فى رشا
.
ال رشا ال
.
مودى محتار يعمل ايه؟؟؟ ومستنى رائيكم !!!
.
.
.
هل مودى غلطان علشان مقلش لماما من الاول برغم انه عارف انها ممكن ترفض فكرة الارتباط؟
.
هل ماما عندها حق لان ممكن الموضوع دة يشغله عن مذكرته ودراسته؟
.
.هل ماما غلطانه لان المفروض تتفاهم وتسمع وجه نظر مودى فى الموضوع دة ؟
.
.
.
.
رئيس الجمهورية

  • Digg
  • Del.icio.us
  • StumbleUpon
  • Reddit
  • RSS

كل سنه وانتم طيبين

صبح صبح ياعم الحج
.
صباحو كريمه لبانى و بندق و لوز و سودانى
.
انا
.
انا انا انا انا انا انا مش عرفنى
.
هههههههههه
.
انا
بقول لكل المدونين
.
كل سنه وانتم طيبين ومع اللحمه والفته والرقاق معيدين واخر العيد مكلبظين
.
ويارب عيد سعيد علينا وعليكم
يااااارب
.
طبعاّّ العديه شئ اساسى لكل واحد داخل الجمهورية
.
.
ايوة ياعنى كل واحد يتقل جيبه وهو داخل
.
ميات 100 اه
.
خمسينات 50 ماشى
.
عشرات 10 اوعى
.
خمسات 5 هنزل اديلو على قفه
.
ادينى قولت من الاول
.
وسمعنى سلام العيد فرحه
مااااااااء
.


.
وادى الخروف الشمبونجى اهو
.
علشان محدش يقول ان الريس بخيل ولا حاجه
.
والى القاء على خير ان شاء الله
.
تحياتى
.
.
.
.
رئيس الجمهورية

  • Digg
  • Del.icio.us
  • StumbleUpon
  • Reddit
  • RSS

لسة كاس الامم







ايوة حلم المنديال حلم الملاين راح بس راح بسبب ناس هما احقر من انى اتكلم عليهم
.
ولا حتى انطق اسمهم على لسانى لان دة ميشرفنيش ولا يشرف اى حد مصرى
ولا حتى اى واحد عربى
.
ومنغير كلام كتير وشعارات واحنا بابا واحنا ماما واحنا الام الكبيرة
.
ومنغير كل دة احنا عايزين حقنا من الناس دى
.
لان الناس دى هانت كرمتنا قدام عنينا وسكتنا بس جيه الوقت اللى لازم نرد فيه بشدة عليهم
ونعرفهم احنا مين
.
ومنهم لله على اللى حصل فى الماتش او فى الناس اللى جاية تشجع بلدها
حسبى الله ونعم الوكيل
.
.
.
بس انا حبيت افكركو ان لسه قدمنا كأس الامم الافريقيه
.
ولسه بنشجع رجالتنا والمنتخب المصرى
والمعلم حسن شحاته
.
وكلنا وراكو ومعاكو بنشجعكو بقلوبنا وروحنا
.
وان شاء الله ترجعونا بل الكاس
.
.
.
.
.
رئيس الجمهورية

  • Digg
  • Del.icio.us
  • StumbleUpon
  • Reddit
  • RSS

كلنا بنقول ياااارب

.
.

.
.



.


.
يارب انصر بلدنا وشعبنا
.
تلاته صفر على ارضنا
.
.

رئيس الجمهورية



  • Digg
  • Del.icio.us
  • StumbleUpon
  • Reddit
  • RSS

تـــــاج


تاج جالى من اميرة الكوكب صاحبة دوله





.



اسمك؟


محمد



.


سنك؟


20

.




اسم مدونتك؟


جمهورية شومبونجو العربية



.


مجال دراستك؟


التجارة



.


هل فكرت فى اغلاق مدونتك؟والسبب؟


لا محصلتش وان شاء الله متحصلش



.




ايه رد فعلك لو حد قل ادبه عليك في المدونه؟


اكيد هرد علية بس بأدب


وهحرجه بل زوق



.




أسوا مدونه دخلتها؟


اه فى بس مش فاكر اسمها

.




هيحصل ايه لايميلك بعد ماتموت؟


هكتيب فى الوصية الباسورد

.




اديت الباسورد لحد قبل كدة؟


لا بس ها دى لمدام ان شاء الله

.





السفر بالنسبه ليك؟


متعه اكيد ونفسى اسافر


بلاد كتييييييير بس مش لوحدى اكيد



.


المود بتاعك اية؟


الحمد لله ديمأ متفأل خير

.




بتعمل اية فى وقت فراغك؟


بنزل اخرج الف اسكندرية انا وصحابى

.




الاكلات المفضلة؟


كل حاجه معدا


. الكوسه.الخرشوف.الفاصوليا.



.


الصفات التي اخدتها عن والدك؟


الصبر


الطيبه


الهدوء


الحكمه فى التصرف فى الامور


تعليم الصيد



.



.


الصفات التي اخدتها عن والدتك؟


الحنية


الاعتماد على النفس ياعنى كل حاجة اعملها بنفسى


التفاهم والاخذ بل رأى



.




اكتر 6 حاجات بتحبهم؟


المطر والشتاء


مكرونه بشامل


الكنافه


انواع العصاير كلها


اصاله


النكت


Games



.




اكتر 6 حاجات بتكرهم؟


. برامج التلفزيون المستفذة


. النت يفصل وانا قاعد


. البنت اللى لبسه حجاب على جب قصير


اوبنطلون جينز ضيق


. التدخين


. المعاكسه


. لقد نفذ رصيدكم

.




شخصيتك نوعها ايه؟


هادى ومرح ومتفأل اللى حد كبير

.




لماذا دخلت عالم التدوين من الاساس؟


اكدب لو قولت انى عندى موهبة الكتابة


بس حبيت اعرف الناس


ونكون صداقة ونعرف كل واحد بيفكر الزاى و فى ايه



.


اهميه التعليقات بالنسبه لك؟


مهمه اكيد لان هو اللى هيقيم انك ماشى صح ولا لاء

.




احلي بوست كتبته مع ذكر السبب؟


كان مع باربى و واحد مخه لاسع


لان كان فكر مشترك وحوار لافكار مختلفه



.




افضل مدونه قريتها؟


كتير متخليش حد يزعل مننا



.


اهميه الانترنت بالنسبالك؟


مهمه اكيد


لمعرفة الاخبار وكل جدبد بيحصل حولينا

.




اهداء التاج؟


الشجرة الام


شباب اون لاين


(باربى و واحد مخه لاسع)


ولقد صنعتك من الهوى ومن جنونى


الشعب لبد من حكومه تشكومه


اسكندرانية


Pink Dreams


جنات


سلمى


ليس فقير من يحب


طوبه فضه طوبه دهب


البنت المشمشيه حلوة بس شقيه


MiMI


Mirooooo



.



.




رئيس الجمهورية

  • Digg
  • Del.icio.us
  • StumbleUpon
  • Reddit
  • RSS

I am Sorry


وحشتونى وحشتونى وحشتونى
.
اعتزر عن غيابى الفترة الطويله دى
.
بس و الله غصب عنى
.
انتو عارفين بقا الدراسه والكورسات
.
ومشاغل الرئاسه والانتخابات
.
واعتزر عن عدم متبعتى الفترة اللى فاتت
.
بس ان شاء الله هتبع كل جديد من الدول الصديقة
.
.
.
.
رئيس الجمهورية من احد سيبرات الرئاسه

  • Digg
  • Del.icio.us
  • StumbleUpon
  • Reddit
  • RSS

من امتلك المال امتلك الحب


من امتلك المال امتلك الحب
.
ايون بيحصل ومحدش يستغرب من الكلام دة
.
هو ده اللى بيحصل فى الواقع
.
وبيحصل فى الزمن دة
.
مثلا
.
قصه من الواقع
.
.
الاب : يانوسه يا حبيبتى فى واحد جالى وطلب ايدك منى
.
نوسه : مين الواحد ده يا بابا
.
الاب : دة شاب شكله مدى على كويس مش زى الشباب السيس بتوع اليومين دول
.
نوسه : طب ده انا معرفهوش يا بابا هو يعرفنى منين
.
الاب : ايوة يابنتى انا عارف انك متعرفهوش بس هو شافك واقفه فلبلكونه
.
بتكلمى بنت الجيران
.
و سبحان الله وهو كان بيركن عربيته تحت البيت شافك
.
قال بس هى دى
.
نوسه : يا سلام يا بابا ايوة هو فعلا كان بيبصلى ويضحك بس متخيلتش انه
.....
.
طب ازاى اوفق عليه وانا حتى معرفتش اسمه ولا حتى اتعرفت عليه ولا بحبو حتى
.
الاب : يانوسه ما انتى هتعرفيه فى فترة الخطوبه امال هما عملو الخطوبه ليه
.
مش علشان تتعرفو على بعض
.
والحب يا نوسه بيجى بعدين
.
وبعدين احنا بردو لسه هنسأل عليه
.
وبعدين دة شاب لسه جاى من السفر و جاهز من مجاميعو
.
وشغال فى حته كويسه وهيجبلك
.
شبكة بشئ الفولانى
.
وشقه اربع قوض فى مكان كويس
.
وعندة عربيه هترحمك من المواصلات
.
وكمان هيدفع مهر محدش اخدو فى علتك
.
وهيعمل الفرح فى قاعه اوبن بوفيه يانوسه
.
خلينا نفرح بقا يا نوسه كفايا هم وحزن
.
.
......
.
ايون بيحصل وفى حياتنا مواقف كتير مشابها لكدة
.
بس سؤالى لكل البنات لو انتى مكان نوسه هتعملى ايه
بصراحه ؟
.
.
ومش شرط انه شافك فى البلكونة
.
ممكن يكون شافك فى فرح او مطعم او اى حته ودخلتى دماغه
.
وقال بس هى دى
.
هل هتفكرى الاول؟
.
ولا هتوافقى على طول؟
.
ولاة هترفضى المبدأ من الاساس؟
.
والسؤأل التانى لكل الشباب هل انت موافق على المبدأ ؟
.
و لاة انت ضد ان من امتلك المال امتلك الحب
.
او بمعنى اصح
.
من امتلك المال امتلك العروسة
.
واللى تشوفو يا بابا
.
.
.
.
.
.
رئيس الجمهورية

  • Digg
  • Del.icio.us
  • StumbleUpon
  • Reddit
  • RSS

انـــــا و أنتــــــى

هاااااااااا هياااااااااااااااا المفاجأه
.
.
بوست جديد مع واحدة من شباب اون لاين
.
باربى
.
تنبية: كلام باربى لونة احمر وكلام الرئيس لونه اخضر
.
اهلاّّ بيكى فى جمهورية شومبونجو المتواضعة
والله نورتى الجمهورية
.
دة نورك يا ريس الجمهورية منورة بشعبها
وانا سعيده انى هكتب البوست دة مع حضرتك فى دولتك الجميله
.
موضوع النهاردة مهم لكل الشباب من الجنسن
.
(وهو مميزات شريك حياتك)
.
بما انى ديمقراطى احب اسأل باربى
.
س: باربى انتى بتحبى
.
ج: اه بحب
.
طب كانت ايه مميزات شريك حياتك
.
!- يكون طيب ويخاف عليا
.
!- يحترمنى فى وجودى وفى غيابى
.
!- يكون غيور بنسبة معينه
.
!- ويكون كدة راجل شديد بمعنى اصح انا مابمشيش غير كدة واغلب البنات بردو
.
وانت ياريس اية مميزات حبيبتك
.
انا اقولك
.
!- تكون طيبة و رومانسية و مرحة وتحب تضحك
.
!- بردو تحترمنى فى غيابى قبل وجودى
.
!- تكون ديمقراطية وتاخد وتدى فى الكلام
.
!- تكون ست بيت شاطرة
.
الله الله عليك ياريس والله انت ريس والنعمة كويس
.
طب اية الحاجات اللى متكونش فى حبيبك
.
او مش بتحبيها فيه
.
بص ياريس
.
* الحوارات انه ميحورش عليا كتير
.
* الكدب حتى لو عرف بنت وانا معاه يقولى لاكن اعرف من برة لا لا لا
.
* الخيانة او انه يمثل عليا الحب
.
يعنى لو جهه الوقت وخلاص مش قادر يكمل معايا يقولى لان انا مش هعيش معاه غصب عنه وهحترم رغبتة
.
* محبش يفضل يقولى بحبك وحشتينى كتير لان انا من النوع للى بزهق من الكلام الحلو
.
احب اشتاق للكلمه دى قوى واحب انها تتقال فى وقتها وفى مكانها
.
مع ان فى بنات كتير العكس تماما بتموت فى الرومانسية وان الكلمه تتقال 24 ساعة والحياه هتكون بمبى
.
بس لازم نكون واقعيين احنا عايشين فى حياه مش كلها حلوة فيها كمان الوحش
.
فامينفعش نعيش نفسنا فى حياه كلها الوان وهى فى الحقيقة كلها ضباب
.
اية رايك ياريس
.
الله الله الله اية الحكم دى يا باربى
.
بس الحاجات اللى مش عاوزها فى حبيبتى بسيطة خالص
بس صعب ما تلاقيهاش
.
* انها متكونش نكاديه و كأيبه
.
* و متكونش غيورة قوى
.
* وما تكونش من النوع اللى بيتقل فى الحب لان ساعات بيخلق المشاكل مابينهم
.
* ماتفرضش رايها عليا لازم يكون فى حوار ما بينا ويا اقتنع يا ماقتنعش
.
ياسلام عليك ياريس
مش بقولك انت ريس ونعمه كويس
.
.
بس خلينا نتفق على حاجه ان الحب هو اجمل شيء فى الحياه
.
ويكمل لما يكون مع اللي قلبك اختاره وحبه بجد
.
بصرف النظر عن المميزات والعيوب
.
.
بجد انا مش عارف اشكرك الزاى والله نورتى الجمهورية
.
وبجد اسعدنى وجودك فى شومبونجو
.
وان شاء الله تتكرر تانى
.
ربنا يخليك ياريس كفايا انك ديمقراطى وسمحت ليا انى أكتب مع حضرتك
البوست دة
.
وأن شاء الله تنورنا فى دولتنا المتواضعه
.
باربى
رئيس الجمهورية
.
.

  • Digg
  • Del.icio.us
  • StumbleUpon
  • Reddit
  • RSS

مفاجأه الموسم


السلام عليكم ورحمة الله وبراكاته

.

ايه اخباركم

.

وحشتونى خالص الفترة الصغيرة دى

.

انتم عارفين بقا مشاغل الرئاسة

.

وحبيت ارجع ب
New Look

.

على سبيل التجديد والتغير

.

ويارب يعجبكو

.

انتظرو ثانى مفاجأت دولة شومبونجو العربية

.

البوست الجاى قريباّّّّ

ان شاء الله

.

ويارب يكون عند حسن ظنكم

.

تحياتى

.

.

.


رئيس الجمهورية

  • Digg
  • Del.icio.us
  • StumbleUpon
  • Reddit
  • RSS

اتعلم حاجة تنفعك

.
.
موضوع النهاردة انك اذاى تعمل صيانه لجهازك بنفسك و فى البيت وبدون تكلفة او مجهود
.
.
هارد وير

يعنى لو الجهاز عطل منك او حصل فى حاجة نرفزتك هتعمل
.
.

اولاّّ

طبعا اول حاجة تعملها انك تنظف الجهاز بتاعك ودى لازم تكون بستمرار


لان الاتربة ممكن تعمل مشاكل فى جهازك


ثانياّّ

ارتفاع درجة الحرارة بسب عدم وجود التهوية الكافية للتبريد ولازم يكون الجهاز فى مكان جيد للتهوية


ثالثاّّ

تنظيف مروحة معالج البيانات البروسيسور

على طول وبستمرار وتنظيف اللوحة لام mother bord


السوفت وير


اولاّّ


لو انت منزل ويندوز جديد وفجأة الجهاز بقا بطيئ مع ان قبل كدة كان سريع
الحل

افتح قائمة رن Run
وبعدين اكتب Msconfig
وبعدين اختار Starup
واختار من القائمة البرامج الى انتا عايزة تفتح مع الويندوز

والبرامج الى انتا مش عايزها تفتح مع الويندوز شيل العلامه منها

لان كثرة البرامج بتخلى الجهاز عند فتحة بطيئ


ثانياّّ


لو جهازك بيهنج على طول

لازم تنظف بستمرار ولازم يكون الجهاز فيه التهوية الكافية وانه يكون فى مكان جيد للتهوية فى البيت
وان شاء الله الجهاز يبقى سليم ومفيهوش اى حاجة

ولو حد عندة اى سؤال انا فى الانتظار
.
.
رئيس الجمهورية



  • Digg
  • Del.icio.us
  • StumbleUpon
  • Reddit
  • RSS

فين رومانسيه زمان


موضوع النهارده مختلف بالنسبه ليا لانى مش حكتب لوحدى حيكون معايا واحد مخه لاسع شويه من
تنبيه : الكلام المنسوب لرئيس الجمهوريه لونه احمر و كلام مخه لاسع ازرق
.
.
بما اننى الرئيس فا الرومانسية عندى احلى حاجة عندى فى الحياه وبدونها مفيش حاجة اسمها حب
وبعدين الرومانسية دى الحاجةالاساسية الى بتربط اتين ببعض
وهى الى بتقيم الحب دة اذا كان حب صادق وهايستمر ولا لاء
.
.
والله واضح ان ريسنا حطنى فى مزنق بسؤاله ده ... و مش حيجبها لبر معايا النهارده بس لو اتكلمت جد شويه
حقول بالنسبالى الرومانسيه و الحب و كل الكلام الجميل ده حتى الجواز معناه واحد
ببساطه حد بيعتبرك نفسه و بيخاف عليك اكتر منه ... حاجه مش محتاجه فلسفه مش كده يا ريسنا
.
.
انا معاك يا لاسع بس فى طرق تخلى الحب يطور الى انك تعتبرة نفسك وتحبة اكتر من روحك معايا
.
.
بص يا ريس الرومانسيه زمان كان حاجه صعبه اوى يعنى الواحد علشان يعبر عن حبه للبنت للى بيحبها
كان يروح يكتب جواب و يبعته بالحمام الزاجل و لو مافيش زاجل يبقى يروح يتلطع تحت البلكونه و يقعد يبسبس و يغنى يمكن يمكن تحس بيه و ف الاخر يا صابت يا خابت
.
.
كلامك صحيح بس كل وقت وله اذان يعنى لو عايز تقول بحبك ممكن فى مسدج او عبر الماسنجر او ممكن تقلها وتحطها كول تون
بس مفيش سنس فى الاداء يا لاسع كلة عايش فى زمن السرعة وكلة عايز يحب ويبقى اسمة مرتبط ويحط دبلة ويعيش الدور على البحر
.
.
فيه كمان حاجه من الاسئله اللى انت قولتهالى انى ازاى ابقى رومانسى بص يا ريس الكلام عموما بيبقى فيه حته رومانسيه كده
يعنى ما تبقاش قفل و تدب الكلمه للبت كده مره واحده ... لزم حته حنيه و تفاهم علشان الموضوع يكمل
وفيه حاجات ماديه مهمه بتظبط الجو الرومانسى طبعا عارفها
.
.
ايون يالاسع انت كدة جيت فى منطقتى
ياسلام لو جيت مرة لحببتك وعطتها بوكية ورد من لالوان الى بتحبها ماقولكش يا لاسع بقا
ياسلام لو جيت فى يوم وتعشيت معاها فى جو رومانسى ولو حتى فى البيت بردو ماقولكش
وتعالى بقى فى الهدايا اقل هدية عند البنت بتكون ليها معنى كبير عندها حتى ولو كانت شيء رمزى
بس تكون من الشخص الى بتحبة معايا
.
.
خلينا نتفق على حاجه و هى مش بتتغير طول ما الوقت بيمر الرومانسيه هى واحده مش بتتغيير يعنى رومانسيه جدك حضرتك
زى رومانسيه والدك زى الرومانسيه بتاعتك يا ريس
بس الاختلاف فى طريقه العرض والتعبير للرومانسيه اى كان وقتها و زمانها و حتى من اللى انت بتعبر له
.
.
بجد انت نورت الجمهوريه وانا سعيد ان البوست دة مشترك بينى وبينك وان شاء الله تتكرر تانى وتكون فى دولتك الشقيقة
.
.
.
.
.
***************************
رئيس الجمهوريه & واحد مخه لاسع شويه
***************************

  • Digg
  • Del.icio.us
  • StumbleUpon
  • Reddit
  • RSS

بنــــى تافــــه شــــــو



معلش العنوان غريب شوية بس بجد البرنامج دة نرفزنى بشدة



واول ماجتلى الفكرة اقولت اتكلم واطلع اللى جوايا



علشان كدة انا ما بحبش اتفرج علية



مع ان احمد ادم شخصية لذيذة وفنان جميل لكن فكرة البرنامج ان يكون تريقة



و فى جمهور بيضحك على الفاضية والمليانة



الحركة دى بتستفذنى جدا



وبذات البنات الى بتعيش الدور اقوى فى الضحك



مع ان مفيش كلام يضحك بدرجة دى



OVER OVER OVER



حتى المواضيع الى بيناقشها وبيضحكو عليها



هى تريقه على البلد ومشاكلها بدون حله



ومن دمقراطية حكومة شومبونجو



اقولت اشوف شعبى رأية ايه





وانتظرو أولى مفاجأت دولة شومبو نجو مع واحد مخه لاسع من دولة شباب اون لاين


فى موضوع مشترك البوست القادم ان شاء الله
كان معكم المتحدث الرسمى لوزارة الفن والفنانين

  • Digg
  • Del.icio.us
  • StumbleUpon
  • Reddit
  • RSS

خبر هااااام


خبر هااااام لشعب جمهورية شومبونجو العريق
لقد اعلان سيادة رئيس الجمهورية

بأفتتاح اربع وزارات جديدة لانج لم تجدوها فى اى دولة تانية

وهم


وزارة الحب والرومانسية
وزارة الفن والفنانين
وزارة دنيا ودين

وزارة التعليم المجانى


حيث يسعى سيادة الرئيس الى التطوير و تحديث و تنمية الدولة


لكى تنال اعجاب الشعب الشومبوجى


وتكون عند حسن ظن زوارها الكرام


انتظرو الافتتاح يوم السبت المقبل ان شاء الله

...............


كان معكم المتحدث الرسمى لرئاسة الجمهورية

  • Digg
  • Del.icio.us
  • StumbleUpon
  • Reddit
  • RSS